Yr ŵyl fwyaf o'i bath yng Nghymru!
Mae'n bleser mawr gan Brifysgol Abertawe gyhoeddi bod Gŵyl Wyddoniaeth Abertawe'n dychwelyd a chynhelir y prif ddigwyddiad ar 26 a 27 Hydref, rhwng 10am a 4pm yn Amgueddfa Genedlaethol y Glannau. Bydd yr ŵyl eleni yn cael ei chynnal yn yr amgueddfa ynghyd â pherfformiadau anhygoel yng Nghanolfan y Celfyddydau Taliesin, Abertawe.
Mae'r Ŵyl yn dechrau gyda digwyddiad gwych a gynhelir cyn dechrau'r penwythnos yn Taliesin ddydd Gwener 25 Hydref, sy'n cynnwys ‘The Magical Mr West’ a'i berfformiad cyfareddol, Crafty Fools. Cynhelir y digwyddiad terfynol ddydd Llun 28 Hydref gyda’r cyflwynydd teledu adnabyddus, Andy Day a’i sioe gyffrous, Andy’s Dino Rap. Gweler Mwy o’r Ŵyl Wyddoniaeth am ragor o fanylion am y sioeau hyn a sioeau cyffrous eraill.
Bydd uchafbwyntiau'r penwythnos yn cynnwys gweithdy rap gwyddoniaeth gyda'r cyflwynydd Jon Chase, sgyrsiau difyr gyda'r seren TikTok Big Manny, y fforiwr nodedig Ray Mears a'r cyflwynydd teledu bywyd gwyllt, Megan McCubbin.
