Gallwch ddod o hyd i siopau, sinemâu, theatrau, arena fodern a chastell hen iawn yma! Rhaid mynd i leoliad arobryn Marchnad Abertawe, lle gallwch brynu danteithion lleol ffres, gan gynnwys cocos, bara lawr a phice ar y maen a'u mwynhau yng ngardd dan do'r farchnad.
Mae Abertawe’n lle da i’r rhai sy’n dwlu ar fwyd hefyd. Mae bwyd at ddant pawb gydag amrywiaeth o frandiau enwog, bwytai annibynnol a bistros bwtîg. Mae'r Stryd Fawr yn gartref i fyd creadigol sy'n ffynnu ac mae Wind Street yn boblogaidd ymhlith gloddestwyr gyda'r hwyr. Mae gan ganol y ddinas statws y Faner Borffor; gallwch ddod o hyd i ragor o wybodaeth am hyn yma.
Rhagor o wybodaeth am Fae Abertawe, y Mwmbwls a phenrhyn Gŵyr
Dewch i ddysgu am dreftadaeth forol y ddinas – mae Abertawe’n gartref i’r amgueddfa hynaf a’r amgueddfa fwyaf cyfoes yng Nghymru, ac mae mynediad am ddim i'r ddwy! Os ydych chi'n hoff o gelf, cofiwch…
Mae lleoliad Bae Abertawe a Gŵyr yn golygu bod gennym lwyth o opsiynau gweithgareddau ar gael. Gallwch archwilio’r arfordir a chefn gwlad ar droed, ar gefn beic neu drwy farchogaeth, ac mae pob math o chwaraeon dŵr ar gael!
Mae arweiniad Digwyddiadau Croeso Bae Abertawe yma i roi'r holl wybodaeth a'r ysbrydoliaeth sydd eu hangen arnoch i gynllunio beth i'w wneud, a dyma'r lle i ddod i gael gwybod am ddigwyddiadau yn Abertawe!
Mae Abertawe'n enwog am ei bwyd, ac ni waeth pa fath o fwyd yr hoffech chi ei fwyta, gallwch ddod o hyd i bopeth hyd yn oed ar gyfer y ciniawyr mwyaf gwybodus yn Abertawe, o gaffis clyd i brofiadau bwyta seren Michelin.
Ydych chi'n trefnu eich gwyliau nesaf? Does dim angen edrych ymhellach am lwybrau cerdded gwych, bywyd gwyllt a chwaraeon dŵr yn ogystal â hufen iâ, bwyd y môr a golygfeydd o'r môr! Os ydych chi'n chwilio…
